ԷկոԼուր
Հանքարդյունաբերությունը համարվում է Հայաստանում անապատացման հետ առավել սերտ առնչվող տնտեսության ճյուղ: Հայաստանի տարածքի հազարավոր հեկտարներ ծածկված են բաց հանքերով և պոչամբարներով: Ըստ «Հայաստանի Հանրապետությունում անապատացման դեմ պայքարի ռազմավարություն եւ գործողությունների ազգային ծրագրի` ՀՀ հողային հաշվեկշռում արդյունաբերության, ընդերքօգտագործման և այլ արտադրական նշանակության հողերը 2013 թ-ին կազմել են 34.9 հազար հա: Միայն լեռնահանքային ձեռնարկություններին հանձնված է 9700 հա հող, որից պոչամբարների տակ են 1400 հեկտարը: Բաց եղանակով միայն շինանյութերի արդյունահանման հետևանքով շրջանառությունից հանվել է ավելի քան 7 հազար հա գյուղատնտեսական նշանակության հող:
«Բնապահպանական տեսակետից առավել վտանգավոր են համարվում պոչամբարները, որոնցում կուտակվող աղտոտիչների երկարատև և ինտենսիվ ազդեցությունը լանդշաֆտի բաղադրիչների վրա հանգեցնում է դրանց ամբողջական դեստրուկցիային և հետագա էրոզիոն գործընթացների ակտիվացմանը, կենսածին արտադրողականության կորստին: Վերափոխվում է մթնոլորտային օդի հատկությունները և գազային կազմը, տեղի է ունենում արդյունաբերական ծագման թունավոր նյութերով աղտոտում: Կտրտված ռելիեֆի պարագայում վթարային իրավիճակներում կարող են ձևավորել մի քանի կիլոմետր երկարությամբ աղտոտող արտահոսքեր»-մասնավորապես նշված է Ծրագրում:
Սեպտեմբեր 12, 2014 at 17:58