ԷկոԼուր
Մենք անընդհատ ականատես ենք լինում, թե ինչպես են Հայաստանի գետերը հայտնվում աղետալի վիճակում: Հանքարդյունաբերության, փոքր ՀԷԿ-երի արագ զարգացումը, ջրային ռեսուրսների գերօգտագործումը ծայրաստիճան բացասական ազդեցություն են գործում գետերի վրա: Դրան գումարվում է շինարարական եւ կենցաղային թափոններով աղտոտվածությունը, որոնք գետ են թափվում մարդկային անտարբերության արդյունքում:
Գնահատականը, թե ինչ վիճակում են Հայաստանի գետերը, կտան ջրային էկոհամակարգերի մասնագետ Սեյրան Մինասյանը եւ Հայաստանի կանաչների միության նախագահ Հակոբ Սանասարյանը սեպտեմբերի 11-ին` ժամը 11:00-ին, ԷկոԼուր մամուլի ակումբում (Հանրապետության 49, «Եվրոպա» հյուրանոցի դիմացի շենք, մուտքը բակի կողմից, առաջին հարկ, նախավերջին դուռ) տեղի ունենալիք մամուլի ասուլիսի ժամանակ:
Սեպտեմբեր 10, 2014 at 15:09