Չեխ փորձագետների շնորհիվ թունավոր քիմիական նյութերի վերաբերյալ հետազոտությունները կհաստակեցնեն Հայաստանի հյուսիսում աղտոտվածության մասին տարաձայնությունները

Չեխ փորձագետների շնորհիվ թունավոր քիմիական նյութերի վերաբերյալ հետազոտությունները կհաստակեցնեն Հայաստանի հյուսիսում աղտոտվածության մասին տարաձայնությունները

ԷկոԼուր

«Համայնքային Համախմբման և Աջակցության Կենտրոն» ՀԿ-ի և «ԷկոԼուր» տեղեկատվական ՀԿ-ի հետ համագործակցության շրջանակներում 2019թ-ի հուլիսին չեխական «Արնիկա» ՀԿ-ի կողմից Լոռու մարզի Ալավերդի քաղաքում և հարակից շրջաններում կկազմակերպվի շրջակա միջավայրի վրա վնասակար քիմիական նյութերի առկայության վերլուծություն:

Ինչպես պարզ է դարձել նախկինում իրականացված հետազոտությունների արդյունքում, տեղացիները տառապում են ծանր մետաղներից եւ այլ նյութերից առաջացած աղտոտվածությունից` տեղական հանքարդյունաբերության պատճառով: Լոռու մարզի գյուղացիները ձգտում են ոչ տոքսիկ միջավայրի: Դա Ալավերդու, Ախթալայի և Թեղուտի գործարաններում պղնձի եւ մոլիբդենի ձեռքբերման հետեւանք է:

2018 թվականին Պրահայի Քիմիայի եւ Տեխնոլոգիաների համալսարանի գիտնականները հավի ձվի, հողի, Դեբեդ գետի նստվածքների նմուշառումներ կատարեցին: Արդյունաբերական վայրերից անմիջապես վերցված նմուշները ցույց տվեցին պղնձի մակարդակի արագ աճ, ինչը վկայում է ծանր մետաղներով աղտոտման մասին`որպես հանքարդյունաբերության եւ մետաղագործության ուղղակի ազդեցություն շրջակա միջավայրի վրա:

Փետրվարին Ստրասբուրգում Մարդու իրավունքների Եվրոպական դատարանը որոշում կայացրեց Լոռու մարզի վեց ֆերմերների օգտին: Հայաստանի դատարանների կողմից տարածաշրջանում հանքարդյունաբերության գույքային իրավունքների խախտման համար կառավարությունը տուգանվեց 70 հազար եվրո:

«Հետագա նմուշառումները շատ անհրաժեշտ են, քանի որ առայժմ այս հարցում արդյունավետ միջոցներ չեն ձեռնարկվել: Պատասխանատու մարմինների վրա ազդելու միակ միջոցը վտանգավոր աղտոտման գիտական ապացույցների ներկայացումն է եւ, ի վերջո, այդպիսով հետզհետե կբարելավվեն հայ ժողովրդի կենսապայմանները», -նշում է Համայնքային Համախմբման եւ Աջակցության Կենտրոնի նախագահ Օլեգ Դուլգարյանը:
«Արնիկա» ՀԿ-ի մասնագետները կհանդիպեն տեղի բնակիչների հետ՝ քննարկելու աղտոտման բացասական ազդեցությունը առողջության վրա նվազագույնի հասցնելու հետագա հնարավոր քայլերը:

«Հուլիսի 19-26-ը մենք այցելելու ենք հիմնական կետերը եւ խոսենք քաղաքապետերի, ֆերմերների եւ լրագրողների հետ` փորձելով գտնել այս անհանգստացնող իրավիճակի հնարավոր լուծումը»,- նշում է «Արնիկա»-ի աշխատակից Միրոսլավա Յոպկովան:
Հետազոտողները, ինչպես նաեւ չեխական «Արնիկա» հասարակական կազմակերպությունը եւ տեղական շահագրգիռ կողմերը, կհրապարակեն հետազոտությունների արդյունքները 2019 թվականի վերջին:

«Բացի այդ,մենք կպատրաստենք տեղացիներին, թե ինչպես օգտագործել մեր տվյալները եւ ապահովել առողջ կյանք», - ասում է «Արնիկա»-ի նախագահ Մարտին Սկալսկին:

 

14:44 Հուլիս 17, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news