Փոքր հիդրոէներգետիկայի ոլորտի բարելավման համար 17 առաջարկություն ներկայացվեց ՀՀ էներգետիկայի նախարարություն

Փոքր հիդրոէներգետիկայի ոլորտի բարելավման համար 17 առաջարկություն ներկայացվեց ՀՀ էներգետիկայի նախարարություն

ԷկոԼուր

Փոքր հիդրոէներգետիկայի ոլորտի բարելավման համար 17 առաջարկություն ներկայացվեց ՀՀ էներգետիկ ենթակառուցվածքների և բնական պաշարների նախարարություն: Առաջարկությունները մշակել է «Աջակցություն նոր բարեփոխումներին փոքր ՀԷԿ-երի բնագավառում ՔՀԿ-կառավարություն երկխոսության միջոցով» ծրագրի Փորձագիտական խումբը: Այդ առաջարկություններն ուղղված են ջրային ռեսուրսների արդյունավետ օգտագործմանը, գետային էկոհամակարգերի հավասարակշռության և կենսաբազմազանության պահպանմանը, շրջակա ﬕջավայրի վրա ազդեցության գնահատման և փորձաքննության գործընթացների բարեփոխումներին, բնության հատուկ պահպանվող տարածքներում ՓՀԷԿ-երի կառուցման գործընթացների կանոնակարգմանը:

Առաջարկությունների իրականացման հասցատերերն են` ՀՀ բնապահպանության, ՀՀ էներգետիկ ենթակառուցվածքների և բնական պաշարների, ՀՀ արտակարգ իրավիճակների, ՀՀ տարածքային կառավարման և զարգացման նախարարությունները, Հանրային ծառայությունները կարգավորող հանձնաժողովը, ՀՀ գիտությունների ազգային ակադեմիան, նախագծային կազմակերպությունները և «Աջակցություն նոր բարեփոխումներին Փոքր ՀԷԿ-երի բնագավառում ՔՀԿ-կառավարություն երկխոսության միջոցով» ծրագիրը:

Նյութը պատրաստվել է «Աջակցություն նոր բարեփոխումներին փոքր ՀԷԿ-երի բնագավառում ՔՀԿ-կառավարություն երկխոսության միջոցով» ծրագրի շրջանակներում` ՄԱԶԾ-ԳԷՀ Փոքր դրամաշնորհների ծրագրի աջակցությամբ:

17:08 Մարտ 06, 2017


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news