Քննարկվել են հողմային և արևային էներգետիկայի ոլորտներում KfW բանկի հետ համագործակցության հնարավորությունները

Քննարկվել են հողմային և արևային էներգետիկայի ոլորտներում KfW բանկի հետ համագործակցության հնարավորությունները

ԷկոԼուր

ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը KfW գերմանական զարգացման բանկի էներգետիկ դեպարտամենտի պետ Թոմաս Այզենբախի գլխավորած պատվիրակության հետ քննարկել է Հայաստանի էներգետիկ համակարգում KfW բանկի ներգրավվածության ընդլայնման հնարավորությունները: Կողմերն անդրադարձել են հողմային և արևային էներգետիկայի ոլորտներում համագործակցության ծրագրերի իրականացմանը։ Այս մասին տեղեկանում ենք ՀՀ էներգետիկ ենթակառուցվածքների և բնական պաշարների նախարարության կայքից:

Քննարկվել է նաև KfW գերմանական զարգացման բանկի ֆինանսավորմամբ իրականացվող Հայաստան-Վրաստան բարձրավոլտ էլեկտրահաղորդման գծի կառուցման ծրագիրը: Նախարար Աշոտ Մանուկյանը նշել է, որ հայտարարված միջազգային մրցույթի արդյունքների հիման վրա այս պահին ընթանում է կապալառուների ընտրության գործընթացը։ Նախարարը հույս է հայտնել, որ նախատեսված ժամկետում հնարավոր կլինի կապալառուների ընտրության վերաբերյալ գալ վերջնական եզրակացության, ինչը թույլ կտա տարեվերջին մեկնարկել գծի կառուցման աշխատանքները։

14:46 Ապրիլ 07, 2017


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news