Ամուլսարի հարցով դեկտեմբերի 15-ին Ջերմուկում կանցկացվի հանրային քննարկում

Ամուլսարի հարցով դեկտեմբերի 15-ին Ջերմուկում կանցկացվի հանրային քննարկում

ԷկոԼուր

Ս.թ. դեկտեմբերի 15-ին՝ ժամը 13։00-ին, Վայոց ձորի մարզի Ջերմուկ քաղաքի Ձախափնյակ թաղամասի թիվ 2 դպրոցում, Ամուլսարի վերաբերյալ տեղի կունենա հանրային բաց քննարկում: Այս մասին հայտարարություն է տարածել ջերմուկցի ակտիվիստ Շիրակ Բունիաթյանը:

Հանդիպմանը քննարկվելու է Ամուլսարի ոսկու հանքավայր տանող ճանապարհները բացելու վերաբերյալ ոստիկանության պահանջը:

Հայտարարության մեջ նշված է.

«Եվս մեկ անգամ նշենք, որ քննարկումը վերաբերում է ՀՀ փոխոստիկանապետի, բարձրաստիճան ոստիկանների և Վայոց ձորի մարզպետի այն առաջարկին, որ բնակիչները թույլ տան Ամուլսարի տարածքում գտնվող գույքը ձմեռացվի։

Նախորդ այդ հանդիմանը ներկա գտնվող տասից ավել բնակիչներով դեմ ենք արտահայտվել այդ առաջարկին և հիմնավորել, որ անցյալ տարի իրականացված ձմեռացումից հետո աշխատանքներ չեն իրականացվել, և նոր ձմեռացման կարիք ուղղակի չկա։

Բայց և այնպես, Ամուլսարի պայքարում ներգրավված են հազարավոր հայեր, և մեր որոշումները միշտ կայացվում են հանրային բաց քննարկումների միջոցով։

Ուստի, ըստ պայմանավորվածության, մենք՝ Ջերմուկ համայնքի բնակիչներս, Ջերմուկի թիվ 2 դպրոցում հրավիրում ենք հանրային բաց քննարկում, որպեսզի բոլորս միասին քննարկենք և պատասխանենք այդ առաջարկին։ Խնդրում ենք մեր համայնքի բնակիչներին և Ամուլսարի պահպանությամբ մտահոգ այլ քաղաքացիներին ներկա գտնվել այս կարևոր քննարկմանը։

Անկախ ամեն ինչից՝ ԱՄՈՒԼՍԱՐԸ ՍԱՐ Է ՄՆԱԼՈՒ ԵՎ ՎԵՐՋ»։

18:58 Դեկտեմբեր 13, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news