Առցանց վերահսկողություն՝ ստորերկրյա քաղցրահամ ջրերի ինքնակամ օգտագործումը կանխելու նպատակով

Առցանց վերահսկողություն՝ ստորերկրյա քաղցրահամ ջրերի ինքնակամ օգտագործումը կանխելու նպատակով

ԷկոԼուր

ՀՀ շրջակա միջավայրի նախարարությունն առաջարկում է ՀՀ ջրային օրենսգրքում կատարել լրացումներ՝ ստորերկրյա քաղցրահամ ջրերի ռացիոնալ օգտագործման, ապօրինի հորատման կանխարգելման և պատշաճ վերահսկողության նպատակով:

Նախարարության օրենսդրական նախաձեռնությունն առաջին ընթերցմամբ քննարկվեց ՀՀ Ազգային ժողովի տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի մարտի 19-ի նիստում:

Առաջարկվում է ՀՀ ջրային օրենսգրքում սահմանել հորատում իրականացնող հաստոցների տեղադիրքի և գործունեության մասին տեղեկատվության առցանց փոխանցում ապահովելու պահանջ:

Ըստ փաստաթղթի՝ ստորերկրյա քաղցրահամ ջրերի օգտագործման նպատակով հորատում իրականացնող հաստոցների տեղադիրքն առցանց հետևելու տեխնիկական սարքավորումները պետք է ձեռք բերվեն և տեղադրվեն ստորերկրյա քաղցրահամ ջրերի օգտագործման նպատակով հորատում իրականացնող իրավաբանական կամ ֆիզիկական անձանց միջոցների հաշվին:

Իսկ առցանց հետևելու տեխնիկական սարքավորումներին ներկայացվող նվազագույն պահանջները սահմանելու է շրջակա միջավայրի նախարարությունը:

19:11 Մարտ 19, 2020


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news