«Global Reservers Management» ընկերությունը հետաքրքրված է Հայաստանում աղբի վերամշակմամբ

«Global Reservers Management» ընկերությունը հետաքրքրված է Հայաստանում աղբի վերամշակմամբ

ԷկոԼուր

ՀՀ վարչապետ Կարեն Կարապետյանը «Global Reservers Management» ընկերության գործադիր տնօրեն Ռոբերտ Ուիթֆիլդի հետ քննարկել է Հայաստանում աղբի վերամշակման գործարանի կառուցման ներդրումային ծրագրի իրականացման հնարավորություններն ու հետագա քայլերը:

Վարչապետը նշել է, որ թափոնների կառավարման ոլորտում կառավարությունն ունի հստակ ռազմավարություն և հետևողականորեն իրականացնելու է այն: Կարեն Կարապետյանը ողջունել է մեր երկրում աղբի վերամշակման ծրագիր իրականացնելու ընկերության շահագրգռվածությունը և հայտնել կառավարության պատրաստակամությունը՝ ցուցաբերելու անհրաժեշտ տեխնիկական օժանդակություն:
Ռոբերտ Ուիթֆիլդը վարչապետին է ներկայացրել իր գլխավորած ընկերության գործունեությունն աղբի վերամշակման ոլորտում: Կողմերը պայմանավորվել են ծրագրի ուղղությամբ նախնական գնահատական կազմելու նպատակով առաջիկայում իրականացնել անհրաժեշտ ուսումնասիրություններ, այնուհետև դրանց հիման վրա շարժվել առաջ: Այս մասին տեղեկաում ենք ՀՀ կառավարության պաշտոնական կայքից:

17:16 Օգոստոս 07, 2017


Թեժ կետեր


Մարզեր


Բաժանորդագրում

Subscribe to receive our latest news