ԷկոԼուր
Հայաստանում պատրաստվում են բարձրացնել ձեռնարկությունների պատասխանատվությունը թափոններից շրջակա միջավայրի վրա բացասական հետևանքների վերացման համար: Խոսքը վերաբերում է օգտագործումից դուրս եկած էլեկտրոնային ապրանքներին, փաթեթավորման նյութերին, ավտոտրանսպորտային միջոցներին կամ դրանց տարբեր մասերին` անվադողերին և մարտկոցներին:
Հայաստանում պետության կողմից կանոնակարգված չէ նմանատիպ թափոնների հավաքագրման գործընթացները: Այդ թափոնների հավաքմամբ և վերամշակմամբ զբաղվում է 10 կազմակերպություն:
Սույն թվականի ապրիլի 13-ին գործադիրը հավանություն տվեց Արտադրատեսակների համար արտադրողի /ներկրողի/ պատասխանատվության ընդլայնման համակարգերի ներդրման հայեցակարգին, որով նախատեսվում է նախադրյալներ ստեղծել արտադրողի (ներկրողի) պատասխանատվության ընդլայնման համակարգի ներդրման համար: Գործածությունից դուրս եկող արտադրանքից առաջացող բնապահպանական հետևանքները կանխարգելելու համար ձեռնարկությունը պետք է նախատեսի միջոցառումներ, վարչական և ֆինանսական պատասխանատվություն կրի բացասական հետևանքների վերացման համար:
Լուսանկարը` www.waste.ru կայքի:
Ապրիլ 14, 2017 at 18:01