Հայաստանի անտառները հանձնվեցին ՀՀ բնապահպանության նախարարության պահպանությանը

Հայաստանի անտառները հանձնվեցին ՀՀ բնապահպանության նախարարության պահպանությանը

ԷկոԼուր

Հայաստանի անտառները հանձնվեցին ՀՀ բնապահպանության նախարարության պահպանությանը:

Նոյեմբերի 30-ին ՀՀ կառավարությունը հավանություն տվեց Անտառային ոլորտի բարեփոխումների հայեցակարգին, ռազմավարությանը և միջոցառումների ցանկին: Հայեցակարգի համաձայն` հանրապետության անտառների պահպանության, պաշտպանության, վերարտադրության և կայուն օգտագործման բնագավառում պետական միասնական քաղաքականության մշակման, ներդրման և իրականացման նպատակով ՀՀ բնապահպանության նախարարության կառուցվածքում կձևավորվի անտառների պետական կոմիտե և անտառների, բնության հատուկ պահպանվող տարածքների, ինչպես նաև կենսաբազմազանության և կենսաանվտանգության քաղաքականության վարչություն: Կոմիտեի կառավարման ներքո «Հայանտառ» ՊՈԱԿ-ի վերակազմավորման միջոցով կստեղծվեն անտառային տնտեսությունները վարող ՊՈԱԿ-ներ և կձևավորվի անտառների պահպանությանը նպատակաուղղված պարեկապահակային գործառույթներ իրականացնող անտառային պետական ծառայություն:

Նշենք, որ մինչ այդ Հայաստանի անտառների 75%-ը կառավարում էր ՀՀ գյուղատնտեսության նախարարությունը` ի դեմս «Հայանտառ» ՊՈԱԿ-ի, 25%-ը, որը բնության հատուկ պահպանվող տարածքների կազմում է, ՀՀ բնապահպանության նախարարությունը:

Անտառային կոմիտեի ստեղծման և «Հայանտառ» ՊՈԱԿ-ի վերաձևավորման մասին իրավական ակտերը ՀՀ բնապահպանության նախարարությունը կմշակի և կառավարություն կներկայացնի 2017թ-ի դեկտեմբեր և 2018թ. հունվար ամիսների ընթացքում:

Որպես փոփոխությունների արդյունք ակնկալվում է ունենալ ՀՀ անտառների կայուն կառավարման համակարգ և ապօրինի հատումների դեմ պայքարի արդյունավետություն:

Անտառային ոլորտի բարեփոխումները նախատեսվում է իրականացնել 3 տարվա ընթացքում:

15:42 Դեկտեմբեր 06, 2017


Թեժ կետեր


Մարզեր


Բաժանորդագրում

Subscribe to receive our latest news