Ապօրինի ծառահատում Գուգարք գյուղում

Ապօրինի ծառահատում Գուգարք գյուղում

ԷկոԼուր

Հունիսի 22-ին ՀՀ ոստիկանության Գուգարքի բաժնի ծառայողները շրջագայություն կատարելու ժամանակ Գուգարք գյուղում ստուգման ենթարկելով Վահագնի գյուղի 35-ամյա մի բնակչի վարած «ՈՒԱԶ-31519» մակնիշի մեքենան, հայտնաբերել են մոտ 2 խմ փայտանյութ: Ինչպես տեղեկանում ենք ՀՀ ոստիկանության պաշտոնական կայքից, վարորդը չի ներկայացրել փայտանյութի ձեռքբերման համապատասխան փաստաթուղթ և հայտնել է, որ այն պատկանում է ուղևորին՝ Գուգարք գյուղի 55-ամյա բնակչին:

Վերջինս հայտնել է, որ փայտանյութը պատրաստել է նույն օրը, Գուգարք գյուղի վարչական տարածքի «Գրիշի աղբյուր» կոչվող հանդամասից՝ բենզասղոցով ապօրինի հատելով երկու հատ կանգուն ծառ:

Բենզասղոցը վերցվել է: Նշանակվել է մասնագիտական ստուգում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 

12:20 Հունիս 25, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news