«Չաարատ Կապան» ՓԲԸ-ն Կապանին 100 միլիոն դրամ կհատկացնի նախադպրոցական հաստատության կառուցման համար

«Չաարատ Կապան» ՓԲԸ-ն Կապանին 100 միլիոն դրամ կհատկացնի նախադպրոցական հաստատության կառուցման համար

ԷկոԼուր

Հունիսի 6-ին Կապան համայնքի ղեկավար Գևորգ Փարսյանը և «Չաարատ Կապան» ՓԲԸ-ի գլխավոր տնօրեն Դավիթ Թովմասյանը ստորագրեցին սոցիալ-տնտեսական համագործակցության մասին հուշագիր: Հուշագրի համաձայն՝ ընկերությունը սոցիալ-տնտեսական համագործակցության շրջանակներում 100 միլիոն դրամով ֆինանսավորում է Լեռնագործների 16 հասցեում կառուցվող նախադպրոցական ուսումնական հաստատության շինարարական աշխատանքները։ Փաստաթղթի ստորագրմանը ներկա են եղել «Չաարատ Գոլդ Ինթերնեշնլ Լիմիթիդ» ընկերության արտադրության գծով տնօրեն Ռոբերտ Բենբոուն, Դարին Կուպերը և «Չաարատ Գոլդ Ինթերնեշնլ Լիմիթիդ» ընկերության ֆինանսական գծով տնօրեն Քրիս Էգերը։

Այս մասին տեղեկանում ենք Կապանի համայնքապետարանի պատոնական կայքից:

«Չաարատ Կապան» ՓԲԸ-ն շահագործում է Շահումյանի ոսկի-բազմամետաղային հանքավայրը և Կապանի լեռնահարստացման կոմբինատը: Այս ընկերությունը Կապանի կոմբինատը և Շահումյանի հանքավայրի շահագործման իրավունքը «Polymetal International» ընկերությունից ձեռք բերեց 55 հազար ԱՄՆ դոլլարով:

Նշենք, որ Հայաստանի ԱՃԹՆ առաջին զեկույցի համաձայն՝ «Կապանի լեռնահարստացուցիչ կոմբինատ» ՓԲԸ-ն կորպորատիվ սոցիալական պատասխանատվության շրջանակներում Կապան համայնքին 2016թ-ին տրամադրել է 19 193 505 ՀՀ դրամ, իսկ 2017թ-ին` 129 735 482 ՀՀ դրամ:

18:39 Հունիս 10, 2019


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news