Ահազանգ. թռչունների անկում Արարատի ցիանային պոչամբարում. տեսչական մարմինը կդիմի իրավապահ մարմիններին

Ահազանգ. թռչունների անկում Արարատի ցիանային պոչամբարում. տեսչական մարմինը կդիմի իրավապահ մարմիններին

ԷկոԼուր

Հայկական բնապահպանական ճակատի անդամ Լևոն Գալստյանը ֆեյսբուք սոցիալական ցանցում ահազանգ է տարածել Արարատի ոսկու կորզման ֆաբրիկայի ցիանային պոչամբարում թռչունների անկման վերաբերյալ:

Ահազանգում նշված է.

«Մեզ տեղեկություն են փոխանցել, որ Արարատի ցիանիդային պոչամբարում արտակարգ դեպք է տեղի ունեցել։ Մեծ քանակությամբ թռչուններ նստել են դրա մակերևույթին և մահացել։ Ըստ ստացված տեղեկությունների՝ թռչուններին հավաքել և թաղել են ռուսներին պատկանող Արարատի ոսկու կորզման ֆաբրիկայի աշխատակիցները՝ անվտանգության ռուս աշխատակիցների խիստ հսկողության տակ, որ ոչ մեկը չկարողանա ինչ-որ բան նկարել։ Ի՞նչ անել այսպիսի դեպքերում ու ո՞ւմ դիմել՝ պարզ չէ»։

ԷկոԼուրի հետ զրույցում Բնապահպանության և ընդերքի տեսչական մարմնի Իրազեկման և հանրության հետ տարվող աշխատանքների բաժնի պետ Նաիրա Աղաբաբյանը հայտնեց, որ տեսչական մարմինն ուսումնասիրում է Լևոն Գալստյանի հրապարակած տեղեկատվությունը, և հանգամանքները պարզելու նպատակով կդիմի իրավապահ մարմիններին:

Նշենք, որ Արարատի ոսկու կորզման ֆաբրիկան և ցիանային պոչամբարը շահագործում է «ԳեոՊրոՄայնինգ Գոլդ» ՍՊԸ-ն:

Լուսանկարը՝ ՀԲՃ-ի ֆեյսբուքյան խմբից

15:08 Ապրիլ 28, 2020


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news