Սահմանամերձ Ներքին Կարմիրաղբյուր համայնքի բնակիչներն այսուհետ ավելի քիչ կվճարեն էլեկտրաէներգիայի համար (Լուսանկարներ)

Սահմանամերձ Ներքին Կարմիրաղբյուր համայնքի բնակիչներն այսուհետ ավելի քիչ կվճարեն էլեկտրաէներգիայի համար (Լուսանկարներ)

ԷկոԼուր

Տավուշի մարզի սահմանամերձ Ներքին Կարմիրաղբյուր համայնքի բնակիչներն այսուհետ ավելի քիչ կվճարեն էլեկտրաէներգիայի համար: Սույն թվականի դեկտեմբերի 10-ին «Լուսավոր սահման» բարեգործական նախաձեռնությունը Ներքին Կարմիրաղբյուրի 316 ընտանիքների տրամադրեց 5-ական էներգախնայող լամպ: «Մենք նախատեսել ենք էներգախնայող լամպեր տեղադրել Հայաստանի սահմանամերձ 33 համայնքներում, ապա նաև Արցախում: Առաջինը Ներքին Կարմիրաղբյուրում էր: Բնակիչները մեծ ոգևորությամբ ընդունեցին նախաձեռնության գաղափարը` բարձր գնահատելով իրենց նկատմամբ ցուցաբերած ուշադրությունն ու աջակցությունը»,- ԷկոԼուրին հայտնեց «Երիտասարդ ինժեներների ասոցիացիա» ՀԿ-ի նախագահ Հովհաննես Կարապետյանը:

Լուսադիոդային լամպերը կարող են խնայել մինչև 90% էլեկտրաէներգիա, քան սովորական լամպերը: Նրանց օգտագործման ժամկետը մինչև 10 տարի է: «Լուսավոր Սահման» նախաձեռնությունը նախատեսում է էներգախնայող լամպերով ապահովել 16500 ընտանիքի:

«Լուսավոր Սահման»-ը կամավորական նախաձեռնություն է, որի նպատակն է Հայաստանի և Արցախի սահմանամերձ բնակավայրերի բնակիչների համար ստեղծել երկարաժամկետ տնտեսման և կենցաղային հոգսը թեթևացնելու հնարավորություն լուսադիոդային լամպերի օգտագործման շնորհիվ: Լամպերը ձեռք են բերվում նախաձեռնությանն արված հանգանակությունների միջոցով: Մեկ լամպի արժեքը 1500 դրամ է:

Նախագծի աջակիցներն են՝ ՀՀ էներգետիկ ենթակառուցվածքների և բնական պաշարների նախարարությունը, «Սահման» ՀԿ-ն, «Շտիգեն» ՍՊԸ-ն, ՀՀ կենտրոնական բանկը, «Բրեյնդ» ՍՊԸ-ն, «Բի-Բի Գրուպ» ՍՊԸ-ն, PAN.am-ը, «Իզի Փեյ» ՍՊԸ-ն, TelCell-ը, Օպերա Սուիթ հյուրանոցը, RenderForest-ը, MI PRODUCTION, Photo Atelier Marashlyan-ը, RepatArmenia-ն, Barev Today-ը, Cross Social-ը, Khachatryan Art Collection-ը, «Երիտասարդ ինժեներների ասոցիացիա» ՀԿ-ն, «Սերունդ» ՀԿ-ն, Հայկ Հարությունյանը, Ալեքսանդր Հակոբյանը, Դանիել Քելեգյանը, Եվգենիա Էվոյանը, Վարուժան Ավետիքյանը, Արմինե Ավետիսյանը, Էլեոնորա Մկրտչյանը, Կոմիտաս Ստեփանյանը:

Նախագծի և դրամահավաքի այլ մանրամասների կարելի է ծանոթանալ www.ledify.am կայքում:














Լուսանկարները վերցված են «Լուսավոր Սահման»-ի ֆեյսբուքյան էջից:

15:59 Դեկտեմբեր 12, 2016


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news