Մաքրվում են Երևանի ջրանցքների ու գետերի հուները

Մաքրվում են Երևանի ջրանցքների ու գետերի հուները

ԷկոԼուր

Մարտի 3-ից մեկնարկել է Երևանի 5 վարչական շրջաններով` Ավանով, Նոր Նորքով, Էրեբունով, Շենգավիթով և Կենտրոնով հոսող գետերի ու ջրանցքների հուները մաքրելու գործընթացը: Հիմնական նպատակը բարձրադիր գոտիներում ձնհալի, ինչպես նաև գարնանային տեղումների ժամանակ առաջացող ջրի անարգել հոսքն ապահովելն է: Այս աշխատանքները նաև սանիտարահիգիենիկ նշանակություն ունեն, քանի որ հուները մաքրելու շնորհիվ հատկապես ամռան շոգ ամիսներին հարակից բնակելի թաղամասերում կանխվում է հնարավոր տհաճ հոտի առաջացումն ու տարածումը: Կուտակված աղբը հենց տեղում հատուկ տեխնիկայով տեղափոխվում է աղբավայրեր:

Աշխատանքների ավարտին գետերն ու ջրանցքները մաքրաջրվում են ուժեղ ճնշման ջրաշիթերով: Գետերի ու ջրանցքների հուների մաքրումը կտևի մինչև ապրիլի 15-ը: Երևանի քաղաքապետարանը հիշեցնում է, որ գետերի հուներ աղբ, այլ թափոններ լցնելը կամ հարակից ափամերձ տարածքներում շինարարական կամ կենցաղային մնացորդներ թողնելը կտրականապես արգելվում է, իսկ օրինախախտները կենթարկվեն վարչական պատասխանատվության:

Այս մասին տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը:

13:55 Մարտ 15, 2017


Թեժ կետեր


Մարզեր


Բաժանորդագրում

Subscribe to receive our latest news