Երևանի փրկարարական վարչության բաժնի պետը հուսով է, որ Երևանում ջրհեղեղ չի լինի

Երևանի փրկարարական վարչության բաժնի պետը  հուսով է, որ Երևանում ջրհեղեղ չի լինի

ԷկոԼուր

«Չեմ կարծում, որ ձնհալի ժամանակ Երևանում մենք կունենանք ջրհեղեղներ: Քաղաքն ունի ջրահեռացման գետնուղիներ, որոնք գործում են: Հուսանք, որ ամեն ինչ լավ կլինի և որևէ արտառոց բան չի կատարվի: Կուտակված ջրերը հեռացվելու են շարժական պոմպերով», - լրագրողներին հայտնեց ՀՀ արտակարգ իրավիճակների նախարարության Երևանի փրկարարական վարչության փրկարար ուժերի համակարգման բաժնի պետ, մայոր Դավիթ Գրիգորյանը:

Հիշեցնենք, որ արագ ձնհալի դեպքում Երևանում հնարավոր ջրհեղեղի խնդիրն օրերս քննարկվեց ՀՀ բնապահպանության նախարարին կից հասարակական խորհրդի նիստում: Նիստի մասնակիցները, ինչպես նեւ Երևանի քաղաքապետարանի և «Վեոլիա ջուր» ընկերության ներկայացուցիչները փաստեցին, որ այւս առումով ռիսկերը բավականաչափ գնահատված չեն և պահանջում են լրացուցիչ ուսումնասիրություն:

Բնապահպանության նախարար Արծվիկ Մինասյանն առաջարկեց հասարակական խորհրդի հաջորդ նիստի օրակարգ կրկին ընդգրկել քննարկվող հարցը, հրավիրել մասնագետներ նաև ՀՀ արտակարգ իրավիճակների նախարարությունից և այլ լիազոր մարմիններից, մշակել և ներկայացնել լուծումների մեխանիզմներ:

17:07 Փետրվար 06, 2017


էկոԱհազանգ

Թեժ կետեր


Մարզեր


Բաժանորդագրում

Subscribe to receive our latest news