1in.am
Երևան քաղաքի ակտիվ նմուշառման միջոցով վերցված օդի փորձանմուշներում փոշու միջին ամսական կոնցենտրացիան՝ Սահմանային թույլատրելի կոնցենտրացիան (ՍԹԿ-ն) գերազանցել է 1.7 անգամ, ազոտի երկօքսիդինը՝ 1.9 անգամ: Այս մասին ասվում է Ազգային վիճակագրական ծառայության վերջին հրապարակման մեջ։
Գյումրի քաղաքի մշտական դիտակայանում փոշու միջին ամսական կոնցենտրացիան ՍԹԿ-ն գերազանցել է 1.3 անգամ: Վանաձոր քաղաքի մշտական դիտակայաններում ակտիվ նմուշառման եղանակով մթնոլորտային օդի փորձանմուշներում ազոտի երկօքսիդի միջին ամսական կոնցենտրացիան ՍԹԿ-ն գերազանցել է 1.3 անգամ:
Հրազդան քաղաքի մշտական դիտակայանում ցեմենտի փոշու միջին ամսական կոնցենտրացիան ՍԹԿ-ն գերազանցել է 7.8 անգամ, իսկ միանվագ առավելագույն կոնցենտրացիան՝ 6.5 անգամ: Մարտ ամսվա համեմատ փոշու միջին ամսական կոնցենտրացիան բարձրացել է 2.0 անգամ:
Հունիս 06, 2011 at 16:43